ليس كل ما يتمناة المرأ يدركة
هذة الجملة ما أستطعت أن أطبعها قبل أن أبدأ أحداث تلك المسرحية المريبة وهذة مسرحية قمت بكتابتها وأنا فى حوالى الصف الثانى الثانوى
مش عارفة كتبتها لية رغم أنى كنت بذاكر أيامها ومش وقت كتابة بس لاقيت نفسى داخلة فى جو كتابة متواصل بلانهاية مثل الذى يلازمنى الأن وهذة هى أحداث المسرحية المريبة
28/2/2004
بعض الحكم التى يضعها عم شحيطة معلقة على كل حوائط منزلة العتيق, وأسرتة تتكون من الابن الاكبر مدوحس والابنة الصغرى زليخة والام شوشو
وأولاً
البخل أساس المجتمع
كن بخيلاً تكن قوياً
لا تصرف فالبخل ينفع
البخل أساس الشعوب المنتنة
هيا بنا نبخل
معاً للبخل
من بخل يوماً سعد عشرة
القرش الابيض ينفع فى اليوم الاسود
ما كان بخيلاً عاش هنياً و من أستخصر فى نفسة فلة القوة
كن بخيلاً ترى الجميع بخلاء
البخل أساسنا والاستخصار حياتنا
أبخل أبخل يا جميل بكرة تفرح يا جميل
وأخيرأ يا بخلاء العالم أتحدوا
واليكم مضمون حياة هذا الرجل العجيب الاطوار
فى الصباح الباكر أستيقظت شوشو على صوت زوجها الكئيب وهو يقول "مش قولتلك يا ولية صحينى الصبح بدرى " فتقولة شوشو " جرالك أية يا راجل ما تشترى منبة يا راجل " ... ثم تبدأت مناقشات حامية بينالطرفين
شحيطة :مكفاية أنا معايا ساعة ولاهى فلوس فى الارض والسلام لا يا ختى أصحى متأخر ولا يحصل دة كلة
شوشوة :طيب يا خويا على كيفيك
شحيطة :حضرتى الفطار
شوشو : فطار أية يا راجل أختشى دة أنت منومنا امبارح من غير عشة
شحيطة : يووووووووووة خلاص مش واكل
شوشو : فى لهجة فرح طب قشطة يلا بقى أنزل روح على شغلك لحسن تتأخر
شحيطة : - يحدث نفسة - ياااة لازم ألحق اوصل فى ميعادى بس ازاى وأنا بروح مشى ايوة بس لقيتها أروح جرى .. بس أنا تعبان وعندى أمراض الدنيا ( أحسن ) خلاص مفيش غير الحل دة أمشى شوية وأجرى شوية وبكدة أبقى وفرت وقت و فلوس كمان
وبعد مجهود وتعب يصل شحيطة الشغل متأخراً 10دقائق ويقابلة أحد زملائة فى الشغل
الزميل : ألحق يا عم بسرعة روح أمضى قبل ما المدير يشم خبر
زميل أخر :المدير عايزك عشان أتأخرت ربع ساعة
شحيطة : أية ... أية .. أية ربع ساعة دى دول كلهم عشر دقايق أو خمسة كمان ( بخيل وخمام)
الزميل : يا عم وأنا مالى روح كلم المدير
ثم يذهب شحيطة الى المدير وهو فى قمة الرهبة
شحيطة : أفندم ... ح ح حضرتك بعتلى
المدير : أيوة يا خويا أتمسكن .. متأخر لية النهاردة
شحيطة : أصل أصل
المدير : أخرس ولا كلمة مخصوم منك 3 أيام
شحيطة : 3 أيام يعنى عشرة جنية مش مهم نقعد كام يوم مانكلش وبعد أنتهاء اليوم يتجة شحيطة الى منزلة مستانفاً كئابتة المعتادة على شوشو الغلبانة
ممكن تكون طريقة ترتيب الأفكار مش مضطبوطة بس مش عارف أية اللى حصل ساعتها وخلانى أكتبها
على فكرة لية بقية بس بعد لما أعرف أرائكم المختلفة يا حلوينِ
" ليس كل ما يتمناة المرء يدركة"
5 comments:
بعد السلام عليكم
دي زيارتي الأولي لمدونتك الجميلة ، عجبني أوي أنك غاوية كتابة و تأليف ، لأني برضه بأعشقهم
أنا أتعلمت حاجة صغيرة و هي أنك لو شعرت أن بداخلك موهبة ما فلا تتأخر عن ممارستها و أبرازها و ألا أصاب الضمور هذه الموهبة
بداية المسرحية مبشرة للغاية ، و لكن ألا تجدي أنها رواية أكثر منها لمسرحية ، خاصة و أن المسرحية في كتابتها يجب وصف المشاهد و هو ما حرصت عليه في وصف المنزل من البداية حتي و أن أقتصر الأمر علي الحكم المعلقة ، الا أنك لم تصفي مقر عمل شحيطة خاصة و هو مشهد جديد
أستمري و لا توقفي طاقتك الكتابية ، أسلوبك سلس و متزن
أنتظر تشريفك في مدونتي ، و أعطاء ملاحظاتك و أرائك بخصوص مؤلفاتي ، بس براحة عليا لحسن أنا لسه مبتدئ
أنتظر باقي المسرحية
وعلي فكرة جامدة أوي جملة ليس كل ما يتمناه المرء يدركه
و تحياتي
انا للاسف محضرتش الحصه بتاعت الفرق بين الروايه والمسرحيه ايام ثانوي
زي ابو صلاح ما بيقول
بس شكلها كده هتطلع جامده
- merci leek awi .. bas ana bgad mosh 3arfa eh el fara2 ma been el rawaya w el masra7ya :(
- ana 7adrtha fe el kolaya bas bardo mosh 3arfa eh el fara2 ra3`am ane darstha :D
gamda awy el masra7ay de.. hya ah mesh kolaha laken moqawemat el naga7 fiha bayna ra3'm en el wasf mesh kamel laken yedy el e7sas... many thnx 3la enny 2araftek m3aya w ana ba3mel el blog laken mardodalek isa
aha ana mosh ba3raf awe fe basis katabt el masra7ya bas kanet mo7awla kda w ana so3`yra isa akmelha w ana kabera... w ba3deen ma te2olsh a2raftik la2any makontesh arfana :D ana kont mabsota :D.. yalla mabroooooook 3ala el blog :D
Post a Comment