أغرب يوم فى تاريخى

أمبارح كان أسعد يوم فى حياتى بجد لأن فى حاجات غريبة وجميلة فى نفس الوقت حصلت...بصوا يا جماعة هو امبارح كان عيد ميلادى واتافقت انا واصحابى نخرج نصيع شوية ( نصيع يعنى نروح كل الأماكن اللى فى مصر فى نفس اليوم يعنى نروح كل حتة تخطر على بالنا ( لحسن حد يفهم نصيع غلط )) المهم يا جماعة المفروض أننا ان وأصحابى كنا هنتقابل الساعة خمسة فى المهندسين فى مكان هنالك ولحد الساعة 5:30 مكنش حد فينا صحىمن النوم لسة لأ واهى اتصلت بصاحبتى أسماء اللى هى مفروض اللى مختارة الميعاد لاقيتها نايمة وبعدين بتقولى أية فى التليفون ( ألو أيوة يا منى هى الساعة كام أصل أنا لسة صاحية .. بصى هلبس واقبلك فى الدقى ... واحدة عايزة تقبلنى فى المهندسين والتانية عايزة تقابلنى فى الدقى هههههههههههههه واللى عايزة ندخل سينما حفلة الساعة 9:00 مساءاً واللى عايزة تروح مش عارفة فيين .... أنا كنت الصراحة عمالة أقول لكل واحدة تكلمنى أوك هنتقابل فى الحتة كذا والحتة كذا .... وبعدين لما أقفل معاها ألأقى واحدة تانية بتكلمنى وتقولى لا أحنا نروح المكان الفلانى أروش بكتيير ... المهم أنا رحت على المهندسين عشان كان فى واحدة غلبانة هناك مستنيانى المهم رحتلها على هناك وانا مش عارفة الخروجة هترسى على أية واول لما وصلنا جالها تليفون خير اللهم ما أجعلة خيييير مفاجأة الولد اللى هية بتحبة هيكلم مامتها بعد ما هى تقفل معاة على التليفون عشان كدة لازم نروح عشان تشوف الخبر بنفسها البنت كانت شوية وهتقوم ترقص وانا قولتلها مبروووووووك وقاعدنا نحضن بعض والناس مش فاهمة حاجة ونضحك وتقولى هيبقى يوم جامد النهاردة يا منى محمد خلاص هيجى يخطبنى خلاص هيجى يخطبنى ... المهم رسيت على انها تروح البيت ومتنزلش غير بعد لما التليفون المنتظر يجى وعايزنى أستناها فى المهندسين عشان تجيلى على هناك علىى طول .. والمفروض اصلاً وانا قاعدة معاها فى ناس تانية كانت مستنيانى فى الدقى كانت اسماء حبيبتى هناك مستنيانى وأنا نسييت خالص ... المهم عديت على محل كدة و بعدين رحت قابلت اسماء صاحبتى ولاقيت بقيت العيال مش موجدين أة راحوا فيين دول لاسة كانوا مكلمنى على التليفون قالولولى انهم هيروحوا لاسماء عشان أنا أتاخرت عليها وهما فى حتة قريبة منها والمفروض انا كدة مطمنة ان اسماء مش لوحدها بقى خلاص العيال رايحلها ...المهم وصلت لاقيت اسماء لوحدها يا كسوفى اومال فيين العيال قاعدت ألف حوالين نفسى الصراحة وكنت فى ربع هدومى منها بس البنت كانت بجد بجد كويسة اوى وقالتلى ولايهمك يا منى مش مهم أتأخرت على شوية النهاردة عيد ميلادك وانسى بقى انا مش زعلانة أنك اتاخرتى على شوية ( والله حبتها اوى اوى فى الموقف دة حسيت انها الوحيدة اللى بجد بتحبنى من قلبهاوفهمت أنى فعلاً مش قصدى اتأخر ) ... .. وبعدين شوية ولاقيت واحدة صاحبتى تانية بتكلمنى وتقولى منى انتى فين أنا هعدى عليكى دلوقتى فى البيت هههههههههههه اية يا جماعة هو الخروج فى البيت ولا اية قولتلها يابنتى أطلعيلى على االدقى انا هناك ومعايا أسماء قالتلى لأ خلاص هعدى عليكى كدة على الساعة 11:00 بليل تكونى جيتى اصل عايزاكى ضرورى ومعلش مش هينفع اجى كل دة واسماء لسة الحمدلله مستمرة معايا وعايشة الحمدلله مع الأحداث الغريبة دى كلها ( أنا بحبها جداً جداً جداً وهى الاقرب الى قلبى ).... المهم اسماء صاحبتى سالتنى على واحدة صاحبتى اسماء بتحبها وبتقول عليها لذيذة .. المهم قالتلى كلميها يا منى وقوليها تيجى معانا دى وحشانى اوى .. ويارتنى مكلمتها لانها هى الأخرى عملت حاجة غريبة اوى ( جت عليها اليوم من اولوا غريب اوى ) قالت لاسماء صاحبيتك دى عبيطة ومجنونة عايزانى اجى ازاى دلوقتى .. وبعدين انا قلت لا اكيد فى حاجة حصلت وخلتها بتشتم كدة و عصبية أوى كدة .. اصل الموقف كان فعلاً غريب اوى منها احنا مكناش خرجين فى نص الليل ولا كنا مستنيها فى كبارية فاقلت ل اسماء خلاص انا هكلم واحد صاحبنا كان معاها النهاردة ولو حصل حاجة ضايقتها او مشكلة أكيد هيبان ....المهم لاقيتة هو كمان بيدهالى هههههههههههههههههه ويقولى كلميها وبردة البنت مصممة أنى مجنونة و بخرف ... وقفلت معاها على التليفون ( الصراحة انا كنت عايزاها تيجى عشان كنت عايزة اعرفها على حد انا لاسة عارفاة جديد (جيرانا) وعايزة أخذ رأياها فية والحد دة كمان حكايتوا حكاية ههه بس مش عارفة هى كانت مالها عاملة كدة لية مع أن أننا المفروض أنا وهى قريبين اوى من بعض وانها كان مفروض تيجيلى يوم ميلادى بس مش عارفة بردة حاجة غريبة ههههههه

... )
... بعد كل دة أنا للمرة التانية نسيت ان فى ناس بردة مستنيانى واللى مفروض كانوا رايحين ياخدوا اسماء بدالى بس مش عارفة اية اللى حصل واختفوا المهم كلمتهم لاقيتهم فى صيدلية جنبنا هنا الصراحة انا كبرت دماغى و مسالتهمش لية ولا فى اية و قلت لأسماء يلا نخرج هما أظاهر مش خارجين معانا ههههههه ( مش ندالة والله بس انا حسييت انى هيسيت كدة منهم و دروخت اوى ومكنتش عارفة افكر ساعتها ) .. .. والصراحة أنا قلت قشطة أوى لانى هخرج مع اسماء لوحدنا...بس فى حاجة كانت غريبة فى اليوم دة أو يا اما الخروجة فيها حاجة يا اما يوم عيد ميلادى متكهرب مش عارفة ...هههههههههه ... المهم قضينا اليوم انا واسماء ... قضيناة بطريقتنا ( أصل انا واسماء لينا مود معين بيتناسب معنا يمكن المود دة مش يعجب ناس .. ..أصل احنا قاعدنا نتمشى شوية .. وبعدين احكلها على حاجات حصلت شوية ... وبعدين اضحك شوية ... و شوية وقعدنا فى مكان وبردة كنا بنتكلم ونضحك ونهزر و منفضين انا وهى لكل حاجة .. هى قالتلى حاجة منى النهاردة عيد ميلادك ولازم تنسى اى حاجة حصلت ضايقتك واكننا اتولدنا من جديد وكلامها فعلأ خلانى انسى اى حاجة ضايقتنى حصلت قبل كدة .. و بعد ما خدنا قاعدتنا انا وهيا وكلناأكلتنا قلتلها تعالى نروح نشترى لبس .هههههههههههههه.... والله يوم غريب ههههه لأ وفعلاً رحنا محلات لبس والأغرب انى هى اشترت لبس فعلاً وانا كمان أشتريت جزمة جديدة سودة مع انى كنت لسة شارية واحدة سودة اول امبارح ( بس فى الغالب نسيت كالعادة ) هههههههه .. وبعدين شوية ولاقينا الوقت اتاخر ولاقينا نفسنا خلاص قربنا يغمى علينا من التعب .. فكان الأمر الواقع أننا نروح .. والله كان نفسى اسماء متروحش لأنى مش بشفها غير قليل اوى لأنى على طول مسافرة اسكندرية وهى على طول مشغولة فى كليتها وأنا كمان مشغولة فى الكلية فا فى الغالب مش بنشوف بعض غير قليل أوى

..