منقوووول

الرحيل بلا صوت

•

اذا قررت الجري يوما...فاصطدمت بالجدار

... او فكرت في الطيران...فاصطدمت بالسقف

او حاولت السباحة...فتحول البحر الى كتلة من الثلج

عندها فقط .. انتعل إحساسك بالإحباط

وارحل بلا صوت

•

حين تكتشف أن الزمان ليس زمانك

وان المكان ليس مكانك

والاحساس ليس إحساسك

وان الاشياء حولك لم تعد تشبهك

وان مدن أحلامك ما عادت تتسع لك

عندها لا تتردد وارحل بلا صوت

•

عند الرحيل

لا تضيع وقتك في البحث في أحشاء اللغة

لإنتقاء كلمات الحب أو الاعتذار او الوداع

فكل الكلمات التي تولد لحظة الفراق

إنما هي مجرد محاولات فاشلة لتبرير الرحيل

•

عند الرحيل

يغلق البعض في وجهك كل أبواب الرحيل

كي يمنعك من الرحيل لانه يحبك

والبعض يعترف لك بحبه عند الرحيل كي يبقيك معه

ويكتشف البعض الاخر أنه يحبك بعد الرحيل

فيحترق ويحرقك بإكتشافه المتأخر

•

وحين تقرر الرحيل

لا تدفن رأسك في الرمال

كي لا تلمح وجوه اولئك الذين أحبوك بصدق

وراهنوا على بقائك معهم فخذلتهم برحيلك

لا تبك بصوت مرتفع كالاطفال

كي يصل صوتك لأولئك الذين أحببتهم بالصدق ذاته

وأترك المساحات خلفك بيضاء وشاسعة لهؤلاء

كي يمارس كل منهم طقوس حنينه إليك بطريقته الخاصة

•

وتأكد مهما كان حجم صمتك عند الرحيل

فـلرحيلك صوت قد تسمعه كل الكائنات

لكنه لن يؤلم ابدا

ولن يصل إلا لأولئك الذين يشكل لهم وجودك شيئا من الوجود

•

البعض يشتري إحساسك لانه : يحبك
والبعض الاخر يبيع إحساسك لانك تحبه



-

لــ:
شهرزاد الخليج

أكبر عرائس ماريونت فى مصر

كلنا شوفنا اعلان فودافون اللى فى ميدان مصطفى محمود والمحور.. وشوفنا أحجام العرائس الضخمه اللى فى الاعلان واللى نزلتلكوا

صورها هنا ... اللى أنا عاوزه أقوله ان الدكتور أسامه وهو أستاذى فى الكليه هو اللى عمل العرائس الضخمه دى اللى فى الأعلان ... ولأنه أستاذى وليه فضل كبير أنى أتعلم صناعة عرائس الماريونت ومش بس اتعلمت منه نوع واحد بل علمنا كلنا أنا وزملائى أكثر من نوع ... وانا من فرحتى انه هو اللى عمل العرايس المعروضه فى ميدان مصطفى محمود والمحور(أى ليس عرائس الموجوده على التليفزيون فى اعلانان فودافون التليفزيونيه ولكن أقصد العرائس الموجوده فى اعلان فودافون والمعلقه فى ميدان مصطفى محمود والمحور .. واللى يحب يستغرب يروح هناك ويشوف أحجام العرائس اللى متعلقه)..... بجد شغل رائع يا دكتور وطبعاً زى ما حضرتك عودتنا .

العرض المسرحي العرائسي

بعد النجاح اللى حققتة مسرحية بينوكيو على مدار 35 عرض
سيتم اعادة عرض العرض المسرحي العرائسي بينوكيو على مسرح كلية علاج طبيعي باذن الله يوم الثلاثاء 13-4-2010
في تمام الساعة 5.30
سيبدا العرض بعروض ماسكات ثم يلية العرض المسرحي العرائسي بينوكيو
الدعوة عامة

ودة جزء من المسرحية ... هو حتة صغيرة جداً .. بس دى اللى عرفت أنزلها
http://www.youtube.com/watch?v=79QTzuBWpT4

يلا نشغل بعض

دة عنوان جروب جديد أنا عملتة على الفيس بوك بهدف انى اساعد كل حد مش لاقى وظيفة انة يشتغل .. ويارب حد فعلاً يستفاد منة
ودة اللينك بتاع الجروب للى عاوز يشترك
http://www.facebook.com/?ref=home#!/group.php?gid=352996444013&ref=nf

ويارب الفايدة تعم على الناس كلها

تخاريف قلب وعقل

منطقة بلا عنوان

أصابنى اليأس الى أن غمر قلبى .. أ تلك هى الحياة؟!! ... أ هؤلاء من عشقناهم فى يوم ما

أ خدعنى قلبى .. أم أراد أنا يأخذنى بعيداً عن مشاكل الحياة .. هل أراد أن ينسنى هموم الحياة بعشقاً مجهول ؟!
ليت قلبى يعلم أنة لم يأخذنى عن تلك الهموم بعيدا .. ليتة يعلم أنة جعلنى أتذوق قسوة الحياة من يدة
ليتة يعلم أنة علمنى أن للمشقة مذاق أخر و طعم جديد .. ..
أعلم أننا أحياناً نريد الهرب والتمسك بخيط رفيع لينجدنا .. ولكن عندما نمسك بالخيط ونبدأ فى الهرب .. ثم ينقطع الخيط فجأة .. ليجعلك تقف فى منطقة وسطى ... ليست هى بحياة تريد الهروب منها .. ولا هى أرض الأمان التى كان سوف يرسلك اليها الخيط.. ولكنها منطقه وسطى لا يمتلك أحد تسميتها ..
منطقة تجعلك غير
قادر على التفكير
.. لأنك لا تدرك أين انت ..

أنها منطقة بلا عنوان ولا قلب ..
منطقة بلا حارس ولا منقذ ..

منطقة بلا صديق أو حياة ..

.. منطقة بلا قلباً وعقل
أ هذة هى المنطقة المهجورة التى مكثت عليها؟؟

!!

أم أنها حقاً منطقة بلا عنوان؟

(داخل أحدى مراكب الفضاء حيث يظهر البرافسور هريدى ومعة تلميذتة حسنية والمساعد شحيطة العريف )
(شحيطة العريف يظهر مسرعا تجاة البرافسور هريدى )
شحيطة العريف : يا برافاسوور .. يا برافاسوور .. البنزين اللى حدانا كلة وجع على الأرض .
هريدى : أهى اللى بتجولة دة ياولة .. كدة احنا مش هنعرف نتحرك على الفضا .
حسنية : طب واية الحل يا برافاسوور .!!
هريدى : أنا جريت قبل كدة إننا ممكن نلاجى بنزين فى الفضا .. و أنهم كانوا زمان بيجبوة من الفضا .
حسنية : أيوة صح يا برافاسوور .
هريدى : صح كدة .. علشان كدة لازم كولتنا ننزل من المركبة وندور بره .
حسنية : أيوة صح .
هريدى : صح كدة .. قلنا بجى يا أبو العريف نمشى من أيتها إتجاة ؟
(شحيطة العريف يهرش فى راسة ثم يقول بتهته)
شحيطة العريف : أنا بجول نمشى من الناحية اليمين.
هريدى : براوة عليك .. واهو اليمين بردة بركتة حلوة ..
( يتجة هريدى وحسنية والمساعد شحيطة العريف خارج مركبة الفضاء الى أن يستقروا فى الخارج)
هريدى : شايفين اللى أنا شايفة على الأرض .. دة باينتنة ذهب وياقوت ..(باستهزاء) تكنش دى مغارة على بابا فى الفضا (يضحك) هع هع هع .
شحيطة العريف : لأ يا برافاسوور .. ده الزلط بتاع الفضا
حسنية : أيوة صح .
هريدى : صح كده .. ناولنى يا ولا شحيطة المنظار بتاعى .
( يفتح شحيطة الشنطة التى يحملها ويخرج منها المنظار )
شحيطة العريف : أتفضل يا برافاسوور .. الدكتورة حسنية هى اللى حطتيتة فى الشنطة.
هريدى : هههه دكتورة .. أسمها عالمة يا ولا .. أدينى الطبلة بقى .. قصدى المنظار يا غلباوى .
(ياخذ هريدى المنظار ويمسكة وينظر فية )
هريدى : أية دة .. شايفين اللى أنا شايفة .. دة فى ناس كتير هناك أهى .
( يندفع شحيطة العريف وحسنية تجاة هريدى لينظروا معة فى النظار )
شحيطة العريف وحسنية فى نفس واحد : ورينا كدة .. عاوزيين نشوف أمعاك .. عاوزين نشوف .
(يتأرجح هريدى وحسنية الى أن يسقط الثلاثة وينزلقون من على منطقة تشبة الهرم وفى نهاية الهرم يصطدمون بمجموعه من الناس الغرباء الشكل والذين يرتدون ملابس على هيئة حيوانات )
أحد الغرباء : أنتوا مين ..؟!
حسنية : يا حلاوة يا ولاد .. دول بيتكلموا زايننا تمام .
هريدى يهمس فى أذن حسنية : هههة.. عاملين زى القراصنة زمان .
أحدالغرباء بصوت مرتفع : بقولكم أنتوا مين .
هريدى : هىهىهى .. أحم .. أنا هريدى .. نابغة الصعيد .. ودى حسنية تلميذتى وشحيطة المساعد بتاعى .. أنتوا بجى تطلعوا مين ..!!
غريب أخر : إحنا شعب السنونو .. عايشيين هنا من ألاف السنين .. وبنحكم قرية الفار .
هريدى يضحك : سى نونو .. راحت فين هيبة الرجالة .. عيندينا بنجول على الراجل ..سى السيد مش نونو .. ههههه .. وبعدين جالولى هى الفران محتاجة حد يحكمها !! هعهعهع
أحد الغرباء بصوت مرتفع : خذوهم على ملكنا "شونكال" .. علشان يتصرف معاهم .
(يسحب الغرباء هريدى و حسنية وشحيطة العريف الىالملك .. )
شحيطة هامساً: سامعة يا حسنية .. ملكهم أسمة شوشو .. باين عليهم ناس أبهة أوى .
حسنية : أيوة صح يا برافاسوور .
هريدى : صح كده .
( يمشى الثلاثة مع الغرباء الى الملك الى أن يقفوا أمامة )
الملك شونكال : سكوووووت .. دلوقتى كبيركم يقولى أية اللى جابكم أرضنا ؟
هريدى : جينا فى مهمة علمية .. لكن البنزين اللى حدانا خلص .
الملك شونكال : بسيطة ..إحنا ممكن نساعدكم ونديكم بنزين اللى ناتج من الجثث الى أتحللت عندنا .
هريدى : أتخللت .. هو أنتوا عينديكم بتخللوا البنى أدميين .. إحنا عندينا بنخلل الجزر والذى منة ..
الملك شونكال بعصبية :أتحللت مش أتخللت .. عموماً أحنا شرطنا علشان نديكم البنزين .. أنكم تحكولنا على موقف من حياتكم تحت على الأرض .
هريدى : هىهىهى .. ودى حاجة تتحكى .. دة تتشاف بس ..
شحيطةالعريف : يا برافاسوور .. يابرافاسوور .. أحكيلهم على الولا مدوحس الغلبان اللى فى البلد .
هريدى : أخرس يا ولا .. أنا هحكيلكم على موقف حصل لى تحت على الأرض.
الملك شونكال : وإحنا موافقين .
(صورة باهتة للحمار الأزرق فى أخضر)
هريدى : مرة فى البلد حدانا أشتريت حمار لونة أزرق فى أخضر .. كان سعرة غالى جوى .. وأنى كنت فرحان أنة غير كل الحميير .. و بعديها بيجى سبوع كده .. حميتة طلع حمارجارنا اللى أتسرق .. ههههههه .
( يضحك الجميع .. ثم تقل الأضاءة تدريجياً الى أن تختفى تماماً)

عيد سعيد

كل سنة وأنتم طيبيين ... عيد سعيد على كل المدونين وانشاءالله تبقى السنه دى أحلى وأحلى من اللى قبلها يارب .. متنسووووووش صلاة العيد




أنا كنت عاوزة أكتب البوست دة بعد الصلة وأعيد على كل الناس ... بس خفت يبقى النت بكرة مش شغال أو الجهاز عطلان كالعادة .. فقلت اعيد بدرى عليكم واهو بامرة أكون أول الناس

وجهة نظرك

كان بقالى فتره فى موضوع شاغل بالى وبجد عايزه أعرف وجهات النظر المختلفه للناس فيه
.. كنت عايزه أعرف لو أنت مثلاُ خاطب واحده .. هتتحكم فى طريقة لبسها و فى الناس اللى مفروض تعرفهم ولا هتسبها هى اللى تختار .. طب ولو نفطرد أنك خطبت واحده كانت أصلاً لبسها ضيقها وتعرف صبيان .. هتمنعها بعد الخطوبه أنها تغير من لبسها و تقاطع الناس اللى هى تعرفها .. ولا هتصرف نظر أصلاً عن أنك ترتبط بيها .. ونفترض أنك بتحبها وعايزها ليك بس حابب أنك تغير منها وحاسس أنها عندها استعداد أنها تتغير .. هيكون أيه الأسلوب اللى هتستعمله معها عشان تغير منهت بس بارادتها هى .. يعنى هى اللى تيجى وتقولك .. أنا هتحجب عشان ربنا .. وهى اللى تيجى تقولك أنا مش هكلم فلان وفلانه .. عشان احترام لنفسى وليك .. هتعمل أيه عشان الكلام ده كله يطلع منها هى .. وعلى العلم بقى أنك بتحبها وواقع فيها و هى كمان يعنى أكيد هتكون بتحبك ..................................... أما بالنسبه بقى للبنات فأنا عايزه أعرف مثلاً لو انتى حبيتى واحد ولا قيتيه بيتحكم فى اسلوب حياتك وطريقتك فى التفكير هيكون ايه رد فعلك معاه عشان تمنعى ده وتغيرى من أسلوبه ( مع العلم انك برده بتحبيه .. لأنك لو مش بتحبيه مش هترتبطى بيه اصلاً ههه..
()
كمان فى حاجه لفتت نظرى الأيام دى أوى. الواحد والواحده يرتبطوا .. وال أيه بعد فتره يكتشفوا أن طباعهم مش متوافقعه مع بعضهم .. فعشان كده لازم بقى يا حبته عينى يسبوا بعض .. طب فين الحب بقى والرضى .. ولا هو كل واحد عايز حد متفصل على مزاجه .. فين الأصرار أننا نعيش فى الحياه دى طالما أختارنا مصيرنا بايدينا .. ليه نسب الطلاق والفراق بين الأحباب بتزيد كل يوم أكتر من اللى قبله .. ليه مبقاش حد عايز ولا طايق يستحمل حد على عيبه .. كل واحد معاه واحده .. أو كل واحده معاها واحد .. تبص على ميزه فى حد بره ويندموا أوى أنها مش موجوده فى حبيبهم .. طب متيبصوا بردوا على العيوب اللى فى الناس اللى بره ... أو كنتوا ليه بقى بترتبطوا من الأول يا شباب مصر طالما أنتوا خلقكوا ضيق ومشاكل الحياه طحناكم .. ليه المجازفه .. ومحدش بقى طايق يستحمل حد على عيبه .. با صين دايمن لمزايا الناس اللى بره .. جتكم خيبه .. طب شوفوا العيوب ممكن تتعالج ازاى بدل ما تبصوا على أيه هى العيوب وكل واحد يحسبها أد أيه .. ولو اتجوز هيفضل كده العيب ده بقى وينكد عليه عيشته .. وطاما أنتوا عندكم بعد نظر أوى كده .. ما تبصوا شويه يا فتيات وفتيان مصر ازاى تحلوا المشاكل .. المشكله هنا فى مصر .. ان محدش بيرضى بنصيبه وباللى ربنا قسمهولوا .. كل واحد عايز يبقى أحسن من أخوه .. بأى شكل ... وكل واحده عايزه تتجوز واحد أحلى وأشيك وأزوق من الى صحبتها خدتها .. وده طبعاً عشان هى الأحسن فلازم يكون ليها فتى أحلام ولا فى الأحلام .. وفالحين بس الشباب تقول مش عارفيين نعمل أيه من غلاء الأسعار والشباب يقولك البنات بقت كلها زباله .. والبنات تقول كل الولاد خانين و شاحتين ... بدل ما يبصوا على الجانب الحلو .. عينا دايماً بتروح على الجانب السيىء ليه كده أنا مش عارفه بجد .. كل واحد همه يتحكم فى اللى قصاده وخلاص .. الرجل ينتحكم فى الست عشان هو كده .. بدل ما يعاملها بأسلوب يخليها هى تحترمه فى غيابه .. والست غاويه تعكنن على جوزها .. عشان هو كده الرجاله مبتمشيش غير بالعكننه .. وأصله هى يعنى الى ما بتمشى ب الطريقه هذه .. أنا كتبت البويست الغريب ده بجد عشان كل واحد يقول رأيه بصراحه .. هو يحب يعامل خطبته أزاى .. وكل واحده تقول تحب خطيبها يعملها أزاى .

تخاريف قلم

فى لحظة ما... حيث كنت اجلس بمفردى فى حجرتى .. وأغلقت الأنوار -كالعاده- ولم أترك فرصه لدخول أى شعاع ضوء الى الغرفه .. فى هذه اللحظه تركت ذهنى يشرد كما يشاء .. وأصبحت يدور فى باطنى بعض التساؤلات .. فنهضت من مكانى وسمحت لشعاع ضوء خافت بالدخول .. وأحضرت ورقه وقلم لعلى أجد اجابه لتلك التساؤلات .. .... ..
تتسائل نفسى الى متى ؟
واتسائل أنا كيف ولأين ؟
أرغب فى الكلام ولا أمتلك كلمات
أرغب فى الرحيل ولا أمتلك طريقه
لذلك ..
وجدت نفسى تتسائل مره ثانيه .. الى متى ؟؟
وأتسائل أنا كيف ولأين ؟؟
نفسى تردد:
أحبك .. أعشقك .. لا بل أحبك
سأظل أحبك ..حتى لو فقدت قلبى
سأظل أعشقك ..حتى لو تركتنى نفسى
أحبك ... فأنت جزءاً منى
أهواك .. فأنت تملىء عقلى وكيانى
ويردد قلمى :
يالها من لعبه.. ترسمها الحياه
يالها من لوحه.. تلونها الأقدار
يالها من روح.. تعشقها القلوب
يالها من حكمه.. تنبعث من العقول
يالها من أحلام.. تعذبها النفوس


وأخيراً .. تركت القلم فجأةً .. وذهبت الى باب الغرفه .. ومنعت الشعاع الخافت من الدخول مجدداً

أنا عملت مسرحية عرايس يا ولااااااااااد

كان بقالى فتره مختفيه عن عالم التدوين و الكتابه .. ولكن اللى خالانى مختفيه كانت حاجه عملتها وبحبها وفخوره بيها أوى ..

أنا كنت بشتغل فى مسرحية عرايس .. كان فريق عمل كبيييير أوى .. واحنا اللى بدأنا وعملنا كل حاجه فى المسرحيه من أول ديكور لحد العرايس .. و طبعاً ده كان تحت اشراف دكتورنا العظيم د. أسامه محمد على .. و بفضل تعاون التسع وعشرون 29 فرد طلعوا المسرحيه الجميله والعمل المتكامل ده

و اللى اخرج العمل ده كان برده دكتورنا وهو دكتور أسامه

أما بقى عن الدور اللى أنا عملته فى المسرحيه فكان أدائى لصوت شخصية بينوكيو و كمان قمت بمعالجة قصة بينوكيو وكتابةواعداد سيناريو المسرحيه ده غير انى كمان بحرك ماريونت على المسرح وطبعأ مش هنسى فضل الأساتذه اللى وجهونى عشان يطلع السيناريو بالشكل ده ومنهم دكتور خالد الخربوطلى و دكتور أسامه محمد

المهم أنا عايزه أقولك أنكم كلكم معزوميين عشان تتفرجوا على شغلنا كلنا أحنا ال 29 فرد

عزماكوا بجد ونفسى تشوفوا لما كلنا احنا الطالبه والدكاتره أتعونا طلعنا عمل شكله أيه

المسرحيه هتتعرض يوم الأثنين (21/4/2008)الساعه السابعه مساءاً والثلاثاء (22/4/2008) الساعه سابعه بليل و يوم الأربع(23/4/2008) الساعه عشره الصبح ... ومتنسوش "الدعوه عامه" "

سيقام العرض على مسرح كلية التربيه النوعيه - جامعة القاهره ..هى فى شارع التحرير جنب كلية رياض أطفال هتلاقوا كليه تربيه نوعيه

(محطة مترو البحوث)

:D

دى صور لبعض الشخصيات فى المسرحيه

am still lost

Am still lost can't c the weight way

Am still walk on the fug .. walk in fuggy way .

Is it true .. or some feelings wanna appear .. just appearance

Is it true .. or that cuz I lost big thing inside me

I can't go on...................

I can't describe which inside me .. I know no one could understand me

I cry without any one noticed me .. really am happy when I think about all the beautiful things which happened before

but I still crying

am so worried .. I don't wanna be z one who do that.. i don't be the one who talks in rude .. i know am so nervous and which make me
lost girl , NOW , i trying to feel how the beautiful things look like .. just try

Mam , Dad , My Sisters , My brothers ,My friends ..... Plz forgive cuz I'm really can't understand myself

forgive me .. I wanna be the best ... but I failed

forgive me .. a few days ago am talking in rude way

forgive me I can't deal with myself .. I'm crying now .. really I can't speak .. I'm tired so tired

am tired ... tired .. tired ...... TIRED

HEHEHE .. OHH MY GOD .. he he I'm talking with some paper .. he he nice nice .. It's good for me instead of talking with any one make me feel sad .. wow I choose some paper ..

no no no I'm so so sensitive .. yup .. I'm so sensitive .. therefor , I'm doing all this ---> talk in rude .. shouted .. cry

wallahy I'm trying more to be stronger .. but why ... ... .. I didn't find myself ..

حالة فرح والله .. فرح وسعادة

يا جماعة أزيكوا وحشنى أوى والله وكمان البلوج وحشنى أوى

أنا بالمناسبة كنت فى بوست كدة قديم كنت حطيت أجزاء للمسرحية بس مكملتيهاش و دلوقتى أنا بكمل فيها

على فكرة أنا بعتزر عن عدم دخولى البلوج لفترة ولكن المانع كان هو انى الجهاز بيتاعى باظ وبقيت بخش كدة شحاتة من عند أصحابى

:D

ويلا بينا نقرأ البتاعة دى اللى ممكن تكون مسرحية

بعض الحكم التى يضعها عم شحيطة معلقة على كل حوائط منزلة العتيق, وأسرتة تتكون من الابن الاكبر مدوحس والابنة الصغرى زليخة والام شوشو
وأولاً
البخل أساس المجتمع
كن بخيلاً تكن قوياً
لا تصرف فالبخل ينفع
البخل أساس الشعوب المنتنة
هيا بنا نبخل
معاً للبخل
من بخل يوماً سعد عشرة
القرش الابيض ينفع فى اليوم الاسود
ما كان بخيلاً عاش هنياً و من أستخصر فى نفسة فلة القوة
كن بخيلاً ترى الجميع بخلاء
البخل أساسنا والاستخصار حياتنا
أبخل أبخل يا جميل بكرة تفرح يا جميل
وأخيرأ يا بخلاء العالم أتحدوا
واليكم مضمون حياة هذا الرجل العجيب الاطوار
فى الصباح الباكر أستيقظت شوشو على صوت زوجها الكئيب وهو يقول "مش قولتلك يا ولية صحينى الصبح بدرى " فتقولة شوشو " جرالك أية يا راجل ما تشترى منبة يا راجل " ... ثم تبدأت مناقشات حامية بينالطرفين
شحيطة :مكفاية أنا معايا ساعة ولاهى فلوس فى الارض والسلام لا يا ختى أصحى متأخر ولا يحصل دة كلة
شوشوة :طيب يا خويا على كيفيك
شحيطة :حضرتى الفطار
شوشو : فطار أية يا راجل أختشى دة أنت منومنا امبارح من غير عشة
شحيطة : يووووووووووة خلاص مش واكل
شوشو : فى لهجة فرح طب قشطة يلا بقى أنزل روح على شغلك لحسن تتأخر
شحيطة : - يحدث نفسة - ياااة لازم ألحق اوصل فى ميعادى بس ازاى وأنا بروح مشى ايوة بس لقيتها أروح جرى .. بس أنا تعبان وعندى أمراض الدنيا ( أحسن ) خلاص مفيش غير الحل دة أمشى شوية وأجرى شوية وبكدة أبقى وفرت وقت و فلوس كمان
وبعد مجهود وتعب يصل شحيطة الشغل متأخراً 10دقائق ويقابلة أحد زملائة فى الشغل
الزميل : ألحق يا عم بسرعة روح أمضى قبل ما المدير يشم خبر
زميل أخر :المدير عايزك عشان أتأخرت ربع ساعة
شحيطة : أية ... أية .. أية ربع ساعة دى دول كلهم عشر دقايق أو خمسة كمان ( بخيل وخمام)
الزميل : يا عم وأنا مالى روح كلم المدير
ثم يذهب شحيطة الى المدير وهو فى قمة الرهبة
شحيطة : أفندم ... ح ح حضرتك بعتلى
المدير : أيوة يا خويا أتمسكن .. متأخر لية النهاردة
شحيطة : أصل أصل
المدير : أخرس ولا كلمة مخصوم منك 3 أيام
شحيطة : 3 أيام يعنى عشرة جنية مش مهم نقعد كام يوم مانكلش
وبعد أنتهاء اليوم يتجة شحيطة الى منزلة مستانفاً كئابتة المعتادة على شوشو الغلبانة
الجزء الثانى(

شحيطة يزوج أبنة مدوحس
يظهر فى المشهد شحيطة جالساً وبجوارة مدوحس أبنة ووالد العروسة والعروسة
شحيطة : أحنا النهاردة ..... جايين يعنى نطلب أيد واحدة بس من أيد بنتكم
الرجل فى تناحة : هة .... أة طبعاً طبعاً أحنا لينا الشرف وخصوصاً ان أبنكم معاه وظيفتة ويقدر يعتمد على نفسة
شحيطة : والله يا عم وحتى لو معندوش وظيفتة هو اصلاً معتمد على نفسة من صغرة مش كدة ولا أية يا مدحوس يابنى
مدوحس فى أسى : أة طبعاً يا بابا ومن قبل ما أتولد كمان بعتمد على نفسى ....
الرجل : ماشاء الله رجل ولا كل الرجالة
شحيطة : بصوا بقى احنا أختصاراً للوقت هنخش بقى فى المهر والشبكة والحاجات دى.
الرجل : .... أة هو دة عين الكلام ... الله ينور عليك يا شحيطة طول عمرك جار وتحترم الوقت
شحيطة : أنت بترغى كدة لية ..... بص بقى بالنسبة للمهر فا دة هنقسمة ما بين العريس والعروسة يعنى العروسة هتشارك فى مهرها ومؤخر الصداق مفيش لانى أضمن ابنى أنة عمرة ما هيفارك بنتكم لانة لو سابها مش هدخلة بيتى ويبقى يروح الشارع ... أما الشبكة فا بقيت تقاليع قديمة اليومين دول وأنا محبش أمشى أبنى على الموضة أنا مربية احسن تربية عشان كدة هنكتفى بس بدبلتين وكل واحد يحاسب على دبلتة .... قولت أية
الرجل : قولت أية فى أية ياراجل أنت بتقول أية اصلاً هو دة كلام يترد علية
شحيطة : الله يخليك أنا واثق أنك ...
الراجل : واثق أية بس ومنيل أية ... أنت باين عليك مجنون يلا يا راجل من هنا يلا خد أسمى النبى حرصة وورينى عرض كتافك
شحيطة :أوريك عرض كتافى أنت أد الكلام دة
الراجل : يلا ... يلا بقى بلاش تضييع وقت ... البنت وهبورها خلاص مش هجوزها وأنت مش عايز أشوف خلقتك يلا بقى أمشى
شحيطة : طاب هات حق الوقت اللى قضيتة معاك أنا بقالى هنا حوالى 15 ساعة يعنى حوالى 9 سنين ودول حسبيتهم كدة حوالى ..
الرجل :أمشى يا كهن أنت واللى معاك بدل ما افرج عليك الناس
الفتاة ( العروسة يعنى ) : يا لهوى... يا لهوى ...
الراجل : أمشى يا بت وخشى جوة هو دة عريس تصرخى علية
شحيطة : أما أنك رجل ناقص صحيح .. يلا يا بنى دة باين علية راجل ناقص قوى وأنا مقبلش أبداً أبداً أجوز أبنى لبنت راجل ناقص أبداً يلا يا بنى
مدوحس : يا بابا بس أصل .. أنا
شحيطة : يلا يابنى بقولك راجل ناقص أوى يلا بقى
مدوحس : يا بابا أنا ...
شحيطة : أنا عارف مخنوق من الأقعدة حاضر هنمشى أهوة
ثم يمضى شحيطة و ومدوحس ولكن يمضى مدوحس وهو فى غاية الاسى مما فعلة والدة ( يلا معلش )

kol sana we kol ele ba7ebhom taybeen

كل سنة وأعز الناس طيبة .. كل سنة والامة العربية كلها بخيير وألف صحة و سلامة ,,
وحشتونى يا جماعة أوى بطريقة فظيعة و مخيفة .. أنا رغم انى حسييت لفترة أنى بقيت لوحدى وأنى تايهة وكدة .. بس الحمدة لله لما رجعت أكتب فى المدونة تانى حسييت أنى عمرى ما كنت لوحدى خالص .. ولسة فى ناس بتوحشنى وأنا اللى مش واخدة بالى لانى أقلمت نفسى انى انعزل ولو لى فترة .. عارفة أنة كان قرار غلط .. بس كنت محتاجة أقف مع نفسى شوية كدة أرتاح فيهم .ز لانى كنت خايفة أكتب كلام وانا مخنوقة أضايق بية ناس بتقرأهة .. وكمان أخلى الناس تفهم حاجة غلط فى شخصيتى .. فكان الحل الامثل هو أنى اعتزل فترة .. بس أهوة العيد جة وخرجنى من العزلة االى حطيت جدارها على بابى

kol sana we entom taybeeeeeeeeeeeeeeeeeeeeeeen ..... wa7shny mooooooooooooooot

اننى ارى أن تلك القصة لازالت تحتاج الى جوانب كثيرة لكى تنضج فكرتها و كنت أرغب فى أن ألم بكافة جوانب الفكرة التى تتناولها القصة ولكننى فشلت فى ذلك فا أكتفيت بالقاء الضوء فقط على الفكرة التى أرى أنها من الواجب علينا أن نبحث فيها كثيرا ولا نهملها وراء ظهورنا وأنا أيضا على يقين أن مقدرتى فى الكتابة لم تنضج بعد ولكنها محاولة من فتاة تقترب كثيرا من الفشل ..

…. على فكرة دى مش قصة عاطفية... ونفسى حد بجد يفهم الشىء اللى أنا كاتبة دة وتقولولى يا شطار فهمتوا أية ..اللى وصلكوا من القصة ... يعنى أنا عايز أعرف أية أول أنطباع جة فى بالكم

لست أنا


تأملتها .... أحدقت النظر اليها .... سرت خلفها أتابع مشيتها الى أن أنغمست نفسى فى التفكير بهاوبملذات الحياة ... كانت فواح الأنوثة وريانة الجسم تتسم بالذكاء,لا تخلو نظراتها من ألغازيفوق عقلى فهمهاولكن تلك النظرات جعلت عقلى يسترجع ذكرياتى الماضية مع حبيبتى التى تركتها ومكثت فى أحد ينابيع الهجرة ولا أعرف لماذا أختار عقلى الهجرة رغم علمة أن قلبى يعشقها .. هل كانت نفسى تبحث عن شىء ما بها ولم تجدة ففضلت الهجرة ..لم يستغرق عقلى وقتاً طويلاً فى التفكير بها والحزن على فراقها فسرعان ما حملتنى ريح النسيان بأمر الحياة وأصبح ذلك الحب بالنسبة لى الأن كابوس يطاردنى فى نهارى ويهاجمنى ليلاً فى أحلامى ... وكنت أحاول الهروب منة لذلك كنت أتأملها وأحدق النظر بها متسائلاً أحقاً هذا هو الواقع ولكننى لم أصل الى اجابة أطفىء بها نار شغفى بها لذلك عقدت العزم على أن أتجة اليها وأتحدث معها لعلى أخمد تلك النيران وسرعان ما أتجهت خطواتى تجاهها وكنت على يقين أنها ستقبل الحديث معى ولكن خاب ظنى وصدتنى و لم تبادلنى الحديث , وجدت لحظتها نفسى تتغطى بملابس الغضب وظللت أردد" لم تدنو النهاية بعد" لذلك فكرت فى الذهاب اليها مرة أخرى ولكن تلك المرة فكرت فى الذهاب اليها متنكراً , وفى اليوم التالى عقدت العزم تلك المرة على محادثتها وذهبت اليها متنكراً على غير حقيقتى وبدأت الحديث معها ففوجئت بترحاب منهافى الحديث معى وقد أخبرتنى أنها تائهةولكنها لم تخبرنى كيف ولأين ستذهب ولم تنشغل نفسى بأمرها ولكن أنشغلت بلذة الحديث معها .... لحظات ومر علينا سكون تبادلنا فية القلق والحيرة سوياً.. وتفجر قلبنا بالحب والشوق ولكن سرعان ما مر الوقت معنا سريعاولكننا تواعدنا على اللقاء غدا وتعددت لقائتنا وشعرت معها باحتراق الذكريات والحب والحيرة وكل ما يؤرقنى فى الحياة, وأنغمست نفسى معها وتركت ل ألامى جانبا متماسكا بملذات الحياة وضاربا بكل القوانين عرض الحائط كنت على يقين بأن الذى أفعلة خطئا كبييرا فى حقى وحق الغير ولكننى كنت فى منتهى السرور وهذا ما يكفينى ولم أنشغل جانبا بكل ما يؤرقنى ولكننى أنشغلت بملذات الحياة ....... ولكن تأتى الرياح بما لا تشتهى السفن فسرعان ما دقت الحيرة بابى .... وجدتهاتتركنى وتختفى نعم أختفت وتركت لى الحسرة لتأكل عينى وظللت أبحث عنها لعى أجدها تعود لى لكى أهرب معها من جديد ولكننى لم أجدها فكررت البحث عنها مرة ثانية لعلى أجدهاتلك المرة الى أن أنهمكت قدماى فجلست على أريكة أريح قدماى ولكن عيناى لم تستريح الى أن رأتها من بعيد فهرولت اليها لكى أستفسر منها عن سبب اختفائهاولكنها صدتنى مرة أخرى بكلماتها بعد أن
رنت لى بنظرة باسمة وقالت "لست أنا التى تبحث عنها ً

جالى تاج يا ولاد تانى

بشكر هبة .. "whispers” اللى بعتيتلى التاج وبعتذر عن التاخير فى الرد علية لانى بجد جهازى بايز

كنت طالب شاطر في المدرسة؟

هو أنا كنت من الطلبة الاوائل ولله الحمد لحد سنة رابعة ابتدائى كنت بطلع الاولى على طول .. وبعدين غيرت المدرسة وأصحابى ومبقيتش أحب المدرسة أوى فمستوايا نزل شوية بس مبقيتش خيبة يعنى .. و بس على ثانوى رجعت من الطلبة الشاطريين تانى

ايه كانت أحب مادة ليك في المدرسة و الكلية؟

كانت ولا مادة بحبها .. لانى مكنتيش بحب ولا مدرس انا كنت بذاكر عشان أنا بحب المذاكرة بس مش أكتر .. بس فى ثانوى كنت بحب مادة الكيمياء والفيزياء أوى أوى أوى و مادة الاسبانى بعشقها جداً وكنت بذاكرها أكتر مادة .. وفى الكلية بحب مادة المسرح والدراما الحركية وأى مادة فيها عن النقد و بحب مادة علم النفس

كنت عايز تطلع ايه و انت صغيرة؟

وأنا صغيرة كان نفسى أوى أطلع زى أحمد زويل أو أطلع عالمة ذرة أو أى عالمة فى أى حاجة ليها علاقة بالذرة والفيزياء وكدة .. وبعدين لما كبرت شوية بقى نفسى اطلع سفيرة ودبلوماسية دة بعد فشلى فى أنى أكون مخرجة أو صحفية ..يعنى هى مجموعة أحلام كدة قلت لنفسى لو فشلت فى أنى أكون مخرجة أو مذيعة أو صحفية .. أمرى لله هشتغل دبلوماسية بقة أو سفيرة .. و الارزاق على الله بقة ..ههه

اسم مدونتك؟

my imagination

لماذا اخترته؟ و ما هي نيتك من اختياره؟

لانى حاسة أن الكلام اللى بكتبة دة نابع من عقلى الباطن اللى هوة خيالى يعنى على حسب أعتقادى

هل فكرت في اغلاق مدونتك؟ و السبب

فكرت فى مرة .. بس بعدين رجعت فى كلامى لانى حسييت اد أية برتاح لما بخرج يعنى حبة من اللى جوايا حتى لو كان كلام هبل .. كمان أنا مش هقدر أبعد عن عالم المدونات بعد ما أرتبط بية .. وكمان لان الكلام دة بمثابة ذكريات فى حياتى يعنى أصبح جزء منى

صورتك في المدونة... رمزيتها

صورة فتاة حسيت انها لذيذة وغامضة وطفلة أوى .. فكرتنى بنفسى

لماذا دخلت عالم التدوين من الأساس؟

لكى أهرب من عالم الواقع .. لا عادى لانى بحب الكتابة جداً جداً فقلت أن البلوج دة زى مزكرات كدة بدون فيها حاجات فى لحظات من حياتى أحب الناس تشاركنى فيها وأحب أفتكرها من وقت للتانى

أحلى جملة قيلت لك في وصف مدونتك؟

بجد كل الكومنتس اللى جتلى لحد دلوقتى كلامها كان كلة لذيذ و يرفع المعنويات

التعليقات بالنسبة لك. أهميتها

أكيد طبعاً .. لانى بعرف عن طريقها أن فى حد بيحب يقرأ كلامى .. فى حد بيحب يشاركنى أفكارى .. رغم أنى لما عملت المدونة مكنش فى دماغى موضوع التعليقات أوى .. بس دلوقتى بقيت أحس أنها جزء من الذكريات اللى بكتبها فى لحظتها .. وبقيت بهتم بيها وبعتبر أن عالم التدويين دة عالم بيفكرنى بنفسى اللى بدأت أنسها بالتدريج

ما أحلى بوست كتبته؟ ضع اللينك ثم اذكر لماذا

لو قلتلك ولا بوست لحد دلوقتى هتزعل .. بجد أصل أنا مش عارفة لية مش بيعجبنى كتاباتى .. بحس أنها جزء من التخريف اللى فى عقلى الباطن.. بس يمكن يكون السؤال أية اقرب بوست الى قلبك والاجابة هتكون كلهم قريبيين جداً من قلبى بس أكترهم قرب من قلبى هو بوست قطرات المطر أدعو الكل لقرائتة و كذلك الى متى ستأخذنا الحياة

أحلى مدونة قرأته

كتيير أوى قريتة وعجبنى وبجد كلهم عقلياتهم بتعجبنى بس اللى فاكراهم أوى

مدونة أسمها" ولو" كنت لسة بدأت أزورها قريب كدة من حوالى أسبوعيين .. بس عجبنى أوى الروح اللى فيه والاحساس العالى فى الكتابة

ومدونة.. بحس انها بنوتة عاقلة أوى وبتفكر بأسلوب مرتب وحلو وتفكيرها بيعجبنى هبة

" Whispers"

sunshine

بتعجبنى الشعر بتاعها حلو

مدونة oceaneyes

بحس فيها بروحى اوى بجد وكلامها كأنوا كلامى أنا

ومدونة الاستاذ بتعجبنى فيها طريقة ترتيبة للمواضيع بتاعتة بس نفسى يختصر البوست شوية وميطولش أوى فى الكلام... :D

حد قل أدبه في التعليق؟ عملت ايه?

لا الحمدلله لسة ماحدش قل أدبة .. ولو حصل مش هرد علية وهكتفى بمسح تعليقة أو ممكن أسيبة كدة لحد ما يظهرلوا صاحب هههه لا والله هو أنا تقريباً هنفض ومش هرد خالص

إيه اللي هيحصل لايميلك لما تموت؟

هتتوارثة الاجيال وهيقولوا أيميل منى أهوة يا ولاد .. لا مش عارفة بس انا فى ناس كتيير أصحابى معاهم الباس وارد وجايز يفتحوة شوية .. والاجابة بجد على السؤال اللذيذ دة أن الميل أكيد مش هيموت ولا هيتقفل وأبقوا أبعتوا ايملاتكوا ومتخفوش فى حد هتلاقوا بيفتح الميل .... على العموم هو أكيد هيتقفل معايا وهيموت هو كمان معايا

اديت الباسورد لحد قبل كدة؟

أيوة وللاسف بضرب نفسة بالجزمة ... بس دة كان الميل القديم لكن الميل الجديد اللى عملتة بعد لما ضربت نفسى بالجزمة مش مع حد الباس وارد بيتاعة

ايه كانت علاقتك بيه؟

أنا أديتة لناس كتيير أوى ... بس عادى كان مجرد ناس وثقت فيهم وبس لانى لما بثق فى حد خلاص بيبقى تعاملى معاة بالثقة اللى أنا وثقتها فية..عارفة أنى غلط .. بس يلا بقى مجتيش من ميل

:D

اسمك؟

Mona

اسم الدلع المشهور بيه وسط أصحابك

مونمن .. أو ساعات بيقولولى يا مونى .. سا عات ميمو وساعات منمووون أو مجنون كلة ماشى يعنى.. بس أنا بحب لما منة صاحبيتى لما بتقولى يا منمووون وأنا أقولها يا منمووون بردة

مجال دراستك؟

الاعلام التربوى

شخصيتك... نوعها ايه؟

مش عارفة بس أنا بحس أنى عندى هبل زائد عن الحد أدى ألى أن كثير من الناس ضحكت على .. بس أنا الناس كلها أجمعت على أنى شخصية غامضة وذكية ومتفائلة وشخصية طفولييييييية أووووووى فيها براءة الاطفال .. يعنى عيلة من الاخر ..ههه.

مودك ايه؟

يعنى على حسب مود اللى حواليا .. يعنى أنا عادى ممكن أتأثر بمود الى حواليا اذا كان فرح أو حزن .. بس عادى ماليش مود ثابت

بتعمل ايه في وقت فراغك؟

بكتب مذاكراتى أو بقعد على الجهاز أسلى نفسى أو بخرج مع أصحابى لانى بعشق حاجة أسمها خروج وبحب الخروجات اللى فيها ناس كتيير أوى أوى

الأكلة المفضلة؟

كل الاكل بحبة .. بس يمكن أفضلهم البيتزا وهى دى اللى تعبتنى على فكرة وبحب البسبوسة والكنافة

السفر بالنسبة لك؟

حلم أحلم فى تحقيقة من زمان أوى

صفات أخدتها من بابا

مش عارفة أية كلها بجد .. بس أكترهم العصبية الزائدة و الطيبة و القلب الكبيييييييييييييير وحب الناس

صفات أخدتها من ماما

التوتر والقلق والغموض والطيبة الزائدة عن اللزوم وحب الناس بردة

أكتر 6 حاجات بتكرهها

الكدب

الخداع

الخيانة

الكرة

حب النفس وكرة الغير"الانانيةتقريباً"

الغيرة

أكتر 6 حاجات بتحبها

الصدق

الحب

الطيبة

الحنية

الاحساس و الحساسية

الجنون

الحنية

الحنية

الحنية

الشغل بالنسبة لك

لابد منة والا فلا وجود لى من غيرة.. بس أهم حاجة أنى أشتغل حاجة أنا كنت عايزاها والا فلا وجود للشغل أفضل

ايه الكمبيوتر و النت بالنسبة لك؟

مهميييين جداً أخواتى الصغيريين .. عالمى التانى وبحبهم جداً ... هما بيتى التانى تقريباً.. بس أنا حالياً اجهاز عندى بايز .. محسيتش أنى نقصنى حاجة أوى غيير أنى ببقى مش عارفة أطمن على ناس أعرفها على النت .. بس الحياة ماشية عادى حتى بعد ما بعد عنى الكمبيوتر والنت

تمرر التاج لمييييين؟

لكل اللى بيزرونى فى البلوج واللى لسة ماوصلهمش التاج

وبالاخص سالى (أوشن اييز)

wa7shtony

وحشتووووووووووونى أوى أوى والله وحشتنى كل حاجة الكلية والبلوج وأصحابى والشارع وأكتر حاجة الشارع لانى مش بحب قاعدة البيت بس محدش يفهم الشارع دى غلط انا قصدى بحب الخروجات وكدة .. بقالى حوالى أسبوع محرومة من دة كلة .. من أصحابى ومن النزول ومن كل حاجة بحبها فى الأكل كمان ... ودة لانى كان عندى حاجات غريبة اوى أنا أول مرة أتعب كدة بس الحمدلله على كل شىء ... فى الاول الضغط على أوى أوى عندى وبعديها بيوم جتلى نزلة معوية فضلت معايا خمس أيام ودة لانى برمرم كتير .. وبعد لما خفيت من النزلة المعوية جالى هبوط تانى يوم ووقعت من طولى .. بس الحمدلله أن النهاردة أتحسنت وأسترديت صحتى شوية وقلت أول حاجة لازم أعملها وهى أن أقول لكم وحشتونى وحشتونى وحشتونى .. بجد .. وبعتذر عن تأخرى فى الرد على تعليقاتكم الجميلة على البوست اللى فات وبجد بشكر كل واحد علق على البوست وقال رأية فى اللى أنا بكتبة و أنشاء الله أول يوم هنزل فية الجامعة هحضر محاضرة دكتور على وأكمل الخواطر هههههههههههه ...

Dr. ali lecture's .. again

“ lost soul “
When I meet you, I feel as im an angel
And when I leave you, I feel as im lost
I’ve no place to go without you
I’ve no chance to live without you
So , I feel I wanna live with you forever

Am I lost ? or is it I love you

Other times, I feel I wanna live in another world
That I can’t meet you in
I don’t wanna you , but I love your words
I don’t wanna talk to you , but I love your smile
My brain slept after what it gets
My heart says I’m sorry if I make you sad

Am I lost ? or is it I hate myself

Sometimes I feel I need you so much
Sometimes I feel I don’t wanna speak of you & go far
Although I need you so much
Although you make me a butterfly
But,if you leave..you would take away everything bad

Am I lost? Or is it I see you playboy

You see I have a soul , and you have a soul
But you didn’t see your natural soul
You walk away and let her alone
And for me I’ve a soul , but I don’t go away
I still with her, but you let your soul alone
Did you get the feel of your ridiculous character?
Did you enjoy your self ?
You’re blind , cuz you let your soul alone

Am I lost? Or is it I love beautiful soul

I’m n’t wise but I think you are playboy
I’m n’t blind , but I feel bad for you
So I decided to make you feel it too
Now, I make of the other side for your heart
So, I wanna say that you aren’t the one that I want
…. Baby bye bye

Am I lost ? or is it I feel sad

I love you till the end of my life

I've no place to go without you

I asked you before about this quation :.

Which is better for you : to love someone or someone loves you

I wanna know the point of view in this Que

Dr. ali lecture's

كنت على يقين بأننى
سوف أكتب خاطرة

وما أن أمسكت قلمى حتى ايقنت

أننى لا امتلك تلك الكلمات التى تجعلنى اكتب خاطرة
ظل خاطرى يبحث عن كلمات لتلك الخاطرة

ولكنة لم يستقر بعد عن كلمات

فقدت القدرة.... حتى عن التعبير عما يجول بخاطرى

الى أن أصبحت أبحث عن كلمات اعبر بها عن شخصيتى

نعم اكتب كى اريح عقلى

نعم اكتب كى اريح نفسى
ولكننى لازالت أبحث عن كلماتى
لأعبر بها عما يجول بخاطرى

وبعد ان تسلل الى الملل وملأ جوفى

تركت الورقة بيضاء دون ان اكتب خاطرة

عيد سعيد عليكوا كلوكوا وأنشاء الله الفرحة تعم على الكل .. ................... ......

كل سنة وانتم طيبيييييييييييييييييين